چاودێرانی تۆپی پێ چاوەڕوانی زەمینلەرزەیەکی گەورە دەکەن لەسەر ئاست و پێگەی ڕاهێنەران.
بەپێی زانیارییەکانی ڕۆژنامەی “موندۆ دیپۆرتیڤۆ”، داهاتووی کریستۆف گالیتیێ لە پاریس سان جێرمان ناجێگیرە، پەیوەستە بە ئەنجامی یاریی گەڕانەوەی قۆناغی (16)ی خولی یانە پاڵەوانەکانی ئەوروپا بەرامبەر بایرن میونشن.
جارێکی دیکە ناوی زینەدین زێدان گەڕاوەتەوە نێو باسەکە، لە ئەگەری شکستهێنانی پاریس لە خولی یانە پاڵەوانەکان، ئەگەرێکی بەهێز هاتووەتە ئاراوە “زیزۆ” جێگەی گالیتیێ بگرێتەوە.
🚨 EXCLUSIVE 🚨
As per CaughtOffside sources, Liverpool have identified Bayern Munich's Julian Naglesmann as a potential replacement for Jurgen Klopp 🇩🇪
Full story below 👇
— CaughtOffside (@caughtoffside) February 22, 2023
لەلایەکی دیکەوە، ماڵپەڕی ” caughtoffside” نووسیویەتی، دوای شکستە قورسەکەی لیڤەرپوڵ بەرامبەر ڕیاڵ مەدرید، گومان لەسەر داهاتووی یۆرگن کلۆپ دروستبووە.
ئەگەرەکان بەو ئاراستەیەن دوای یاریی گەڕانەوەی قۆناغی (16) دەستلەکارکێشانەوە پێشکەش بکات، لە بەرامبەردا یانە سوورەکەی ئینگلتەرا بیر لە دابینکردنی جولیان ناگیلسمانی ڕاهێنەری بایرن میونشن دەکاتەوە، کە بە هەمانشێوە لەگەڵ یانە ئەڵمانییەکەی دووچاری کێشە بووە.
