لەمیانەی سەردانەكەیاندا بۆ سلێمانی، شاندی كۆماری چین سەردانی مەزاری سەرۆك مام جەلال-یان كرد و تاجە گوڵینەی رێز و وەفایان لەسەر دانا.
ئێوارەی ئەمڕۆ شاندێكی كۆمارى چين به سه‌رۆكايه‌تی ژوو رووى، یاریدەدەری وەزیر لە فه‌رمانگه‌ى په‌يوه‌ندييه‌كانى ده‌ره‌وه‌ى کۆمیتەی ناوەنديی پارتى كۆمۆنيستى چین بە هاوڕێیەتی چوو وەی، باڵیۆزی چین لە عیراق و لیو زین یونگ، کونسوڵی چین لە هەرێم و ژمارەیەک لێپرسراو و راوێژکاری حزبی کۆمۆنیستی چین سەردانی مەزاری سەرۆک مام جەلال یان کرد و لەلایەن محەمەد سابیر، سەرۆكی دامەزراوەی سەرۆك جەلال تاڵەبانی پێشوازیکران.
لەمیانی سەردانەکەدا شاندی میوان تاجە گوڵینەی رێز و وەفایان لەسەر مەزاری سەرۆک مام جەلال دانا و بەڕێزەوە لەسەر رۆڵ و پێگەی مێژووی مام یاداشتەکانیان تۆمارکرد.
