وتەبێژی بەڕێوەبەرایەتیی هاتوچۆی سلێمانی رایدەگەیەنێت، بەپێی رێنماییەكانی وەزارەتی ناوخۆ تۆماركردن و پێدانی تابلۆ بە ئۆتۆمبێلی كارەبایی رێگاپێدراوە.
بەهمەن عەبدوڵا وتەبێژی بەڕێوەبەرایەتیی هاتوچۆی سلێمانی لەلێدوانێكدا بە تۆڕی میدیایی ئێستای راگەیاند، بەپێی رێنماییەكان تۆماركردنی ئۆتۆمبێلی كارەبایی رێپێدراوە و هیچ گرفتیان نییە و بەپێی تایبەتمەندییەكانیان تۆماردەكرێن.
راشیگەیاند، ئەو ئۆتۆمبێلانەی كە بە كارەبا و بەنزین كاردەكەن بەهەمان میكانیزمی ئۆتۆمبێلەكانی دیكە رسووماتیان لێوەردەگیرێت و تۆماردەكرێن و هیچ گرفتێكیان نییە.
