ئەنجامەکانی یانەى لیڤەرپوڵ ڕۆژ بە ڕۆژ بەرەو دابەزین دەچێت و یەکێک لە هۆکارەکانیش دابەزینی ئاستی محەمەد سەڵاحی میسڕییە.
سکاى سپۆرت دەڵێت پێنج هۆکار لە پشت دابەزینی ئاستی ئەو یاریزانەوەیە.
یەکەم: هیلاکبون
سەڵاح وەرزی ڕابردوو 61 یاریی لەگەڵ لیڤەرپوڵ و هەڵبژاردەى میسڕ ئەنجامداوە
دووەم: نوێکردنەوەى گرێبەست
نوێکردنەوەى گرێبەستەکەى تا ساڵی 2025 بە موچەیەک کە بە دڵی خۆی نەبووە یەکێکی ترە لە هۆکارەکانی تر
سێیەم: کۆتایی هێنان بە هێرشەکان
محەمەد سەڵاح لە چاو ساڵانی ڕابردوودا تواناى کۆتایی هێنان بە هێرشەکانی کەمتر بۆتەوە و کەمتر گۆڵ تۆماردەکات
چوارەم: نەبونی لێکتێگەیشتن
ساڵانی ڕابردوو محەمەد سەڵاح لێکتێگەیشتنی تەواوی هەبوو لەگەڵ مانێ و فێرمینۆدا، بەڵام ئێستا لەگەڵ شێوازی یاریکردنی نۆنێز ناگونجێت
پێنجەم: یاریکردن لە باڵەکانەوە
سەڵاح ساڵانی ڕابردوو نزیکتر بوو لەگۆڵ، ئێستا بەهۆی نۆنێزەوە، زیاتر لە باڵەکانەوە یاریی دەکات و دوورە لە گۆڵەوە.
