یانەی بەرشلۆنە لە كڕینی كاڤانی شكستی هێناوە، بەڵام لە هەوڵەكانی بۆ واژووكردنی بۆند لەگەڵ فیران تۆرێس بەردەوامە.
جیرارد ڕۆمیرۆ، ڕۆژنامەنووسی ئیسپانی و نزیك لە یانەی بەرشلۆنەوە چەند زانیارییەكی لەسەر بازاڕی گواستنەوەی یانە كەتەلۆنییەكە بڵاوكردۆتەوە.
ڕۆمیرۆ دەڵێت، بەرشلۆنە لە كڕینی كاڤانی شكستی هێناوە، بەڵام سوورە لەسەر ئەوەی بۆند لەگەڵ فیران تۆرێس-ی یاریزانی مان سیتی واژووبكات.
باسیشی لەوە كردووە، ئیلایش مۆریبا، كە ئەم وەرزە چووە ڕیزەكانی یانەی لایبزیك-ی ئەڵمانی، داوای كردووە ڕێگەی بدەن بگەڕێتەوە و لە ڕیزەكانی بەرشلۆنە درێژە بە یاریكردن بدات، نوێكردنەوەی بۆندی دێمبیلی-ش بەرەو قۆناغەكانی كۆتایی دەچێت.
ڕۆژنامەنووسەكە ئاماژەی بەوەشداوە، ئیدارەی بەرشلۆنە كۆتایی وەرز دەستبەرداری ئۆمتیتی و كۆتینیۆ دەبێت و لینگلێت-یش بە تۆتنهام دەفرۆشێت.
