دوای دۆڕاندن بە یانەی تۆتنهام هۆتسپێرز، پەیوەندیی نێوان پێپ گواردیۆلای ڕاهێنەر و ڕیاز مەحریزی یاریزانی یانەی مانچستەر سیتی کەلێنی تێکەوتووە.
سیمۆن باجکۆڤسکی، ڕۆژنامەنووسی ماڵپەڕی “مانچستەر ئیڤینینگ نیوز” ئاشکرایکردووە، لەنێوان تایمەکانی یاریی نێوان مانچستەر سیتی و تۆتنهام، پێپ گواردیۆلا لە ڕیاز مەحریزی جەزائیری توڕەبووە.
توڕەیی ڕاهێنەرە ئیسپانییەکە گەیشتووەیە ئاستی هاوارکردن، تەنانەت لە کاتی چوونە نێو ڕێڕەوی یاریگا تاوەکو چوونە نێو ژووری جلگۆڕینەکان، گواردیۆلا سەرزەنشتی یاریزانەکەی کردووە.
Guardiola ends the half by screaming his unhappiness at Mahrez as they make their way down the tunnel. City fans have seen this game before – mostly against Spurs but most of the 19/20 season also counts
— Simon Bajkowski (@spbajko) February 5, 2023
هۆکاری توڕەیی “پێپ” بۆ ئەوە دەگەڕێتەوە، کە مەحریز لە تایمی یەکەمدا هەلی گۆڵکردنی لەدەستداوە و کەمتەرخەم بووە.
لە بەرامبەردا پلاتفۆرمی “مانچستەر ئیڤینینگ سپۆرت” نووسیویەتی، هاندەرانی مان سیتی بە گومانەوە لە ئاڵوگۆڕکردنی ڕیاز مەحریز دەڕوانن، پێیانوایە گواردیۆلا لەو بڕیارەیدا هەڵەی کردووە.
