بەڕێوەبەرایەتی گشتیی نەهێشتنی تاوان رایگەیاند، چەند تۆمەتبارێك دەستگیركراون یەكێكیان ژنێكە بازرگانیی بە مرۆڤەوە كردووە.
ئەمڕۆ شەممە لە راگەیەندراوێكدا بەڕێوەبەرایەتی گشتیی نەهێشتنی تاوان ئاشكرایكرد، چەند كەسێك دەستگیركراون تۆمەتبارن بە ساختەكاری و دزینی پارە و ماتۆڕسكیل و دزیكردن لە ماڵان و فرۆشگەكان لە بەغداد.
بەپێی راگەیەندراوەكە، ژنێك لە هەمان شار دەستگیركراوە و دوای لێكۆڵینەوە دەركەوتووە بازرگانیی بە مرۆڤەوە كردووە، بەو تۆمەتە رادەستی دادگا كراوە و بەپێی ماددەی پێنجی یاسای بەرەنگاربوونەوەی بازرگانیكردن بە مرۆڤەوە راگیراوە.
