ڕایەڵەی یانەکانی ئەوروپا و فەرەنسا بە فەرمی داواکارییەکی یانەی پاریس سان جێرمان-یان بۆ پێداچوونەوە بە گرێبەستی حەکیم زەیاش ڕەتکردەوە.
دوای ئەوەی حەکیم زەیاشی مەغریبی پشکنینە پزیشکییەکانی لە پاریس سان جێرمان ئەنجامدا و تەواوی وردەکارییەکانی گرێبەستەکەی لە چێڵسی-یەوە بۆ پاریس کۆتاییهات، بەهۆی هەڵەیەکی کارگێڕییەوە تەواوی گواستنەوەکە شکستیهێنا.
🚨 It’s over. Hakim Ziyech will NOT join Paris Saint-Germain, deal collapsed — no chance after the appeal has been rejected by LFP.
Paris Saint-Germain, literally furious with the situation with Chelsea after contracts signed but sent too late.
Ziyech, more than disappointed. pic.twitter.com/HZaRqxR6Lc
— Fabrizio Romano (@FabrizioRomano) February 1, 2023
هەڵەکە لە یانەی چێڵسی-یەوە بووە، کە دواکەوتووە لە ناردنی چەند بەڵگەنامەیەکی یاسایی، لە ئێستاشدا ئیدارەی پاریس سان جێرمان داوای لە ڕایەڵەی یانە پیشەگەرەکانی ئەوروپا و فەرەنسا کردووە بە دۆسییەکەدا بچنەوە و ڕێگەیان پێبدەن لەدوای وادەی گواستنەوەکانی زستانە گرێبەستەکە واژۆ بکەن، بەڵام ئەمڕۆ چوارشەممە داواکارییەکە بە فەرمی ڕەتکرایەوە.
بەپێی ڕێککەوتنی نێوان پاریس و چێڵسی، بڕیاربوو زەیاش بە خواستن تاوەکو کۆتایی وەرز درێسی سان جێرمان بپۆشێت.
