چاودێرانی یانەی ڕیاڵ مەدرید بۆیان دەرکەوتووە کە ئاستی هێڵی ناوەند و هێرشبردنیان بەپێی پێویست نییە، بۆ ئەو مەبەستەش فلۆرنتینۆ پێرێز هەوڵەکانی بۆ واژۆکردنی دوو گرێبەست دەستپێکردووە.
بەپێی زانیارییەکانی ڕۆژنامەی “مارکا”، لاوازیی ئاستی لوکا مۆدریچ و تۆنی کرووس ئیدارەی ڕیاڵ مەدریدی ناچارکردووە بە دوای جێگرەوەی گونجاودا بگەڕێت، بۆ ئەو مەبەستەش جوود بێلینگهامی ئینگلیزی و ئەستێرەی یانەی بوروسیا دۆرتمۆند-یان دەستنیشانکردووە.
لیڤەرپوڵ بووەتە کۆسپ لەبەردەم یانەی شاهانە، بەوپێیەی ئامادەییان نیشانداوە هەمان تێچوو و پاداشتی زیاتریشی پێشکەش بکەن، لەگەڵ ئەوەشدا فلۆرنتینۆ پێرێز و هاوکارەکانی گەشبینن بەوەی هاوینی 2023 لە سانتیاگۆ بێرنابیۆ یاریدەکات.
🚨⚪ El Real Madrid quiere desprenderse en verano de Vallejo, Hazard, Odriozola, Mariano y Mendy. Asensio, Kroos y Nacho decidirán si renovar o no. Modrić podría no hacerlo. En cuanto a fichajes: prioridad Bellingham y Fran García. Se sigue evaluando a Brahim. pic.twitter.com/gH8hvXppGK
— MadridistaReal (@RMadridistaReal) January 29, 2023
هەوڵێکی دیکەی ئیدارەی “لۆس بلانکۆس” بۆ کڕینی هێرشبەرێکی سەرەڕمە وەک جێگرەوەی کەریم بنزیمە.
ئەم گواستنەوەیەش بە شێوازی ئەدیبایۆر و چیچاریتۆ دەبێت، واتا هێرشبەرێکی نمرە دوو بۆ هاوکاریکردنی کەریم بنزیمە.
“مارکا” جەخت لەوە دەکاتەوە، واژۆکردنی دوو بۆندەکە یەکلاییبووەتەوە و لە هاوینی 2023 ڕوودەدەن.
