لەلایەن باندێکی دزیکردنەوە کە سەرۆکەکەیان پیاوێکی پاکستانی بوو 180 هەزار دۆلار لە پێشانگەیەکی ئۆتۆمبێل لە شاری بەغداد دزرا.
میدیا عێراقییەکان ئەمڕۆ یەکشەممە بڵاویانکردەوە، “ئەمڕۆ لە شاری بەغداد پێنج کەس هەڵیانکوتاوەتە سەر پێشانگەیەکی ئۆتۆمبێل و کارمەندێکی پێشانگەکەیان دەستبەسەرکردووە”.
ئاماژەیان بەوەش کرد، “باندەکە بڕی 180 هەزار دۆلاریان لەناو قاسەی پێشانگەکە دزیوە و هەڵاتوون”.
ئاشکراشیانکرد، “ئەندامانی باندەکە ناسراونەتەوە، سەرۆکەکەیان پیاوێکی پاکستانییە، بەڵام تا ئێستا نەتوانراوە دەستگیربکرێن”.
