یانەی بەرشلۆنە لە دەرەوەی یاریگای خۆیدا ڕووبەڕووی یانەی جیرۆنا بووەوە و بە زەحمەت بردنەوەی تۆمارکرد.
ئەمشەو شەممە، لە چێوەی یارییەکانی هەفتەی (19)ی خولی ئیسپانیا، یانەی بەرشلۆنە لە یاریگای “ئیستادی مۆنتیلیڤی” بووە میوانی جیرۆنا.
یارییەکە بە ئەنجامی گۆڵێکی بێبەرامبەر لە بەرژەوەندیی یاریزانانی چاڤی هێرناندێز کۆتاییهات.
گۆڵەکەی “بلاوگرانا” لە خولەکی 61 لەلایەن پێدری-یەوە تۆمارکرا.
بەپێی ئەنجامە تۆمارکراوەکە، یانەی بەرشلۆنە ژمارەی خاڵەکانی گەیاندە 47 خاڵ و جیاوازیی لەگەڵ ڕیاڵ مەدریدی ڕکابەری بۆ شەش خاڵ فراوانکرد، لە بەرامبەردا یانەی جیرۆنا بە 21 خاڵەوە چووە پلەی (12).
