پۆلیسی هەولێر دەستگیركردنی كەسێكی ڕاگەیاند، كە خۆی كردووە بە مامۆستای ئایینی و نووشتە و فاڵی گرتووەتەوە.
پۆلیس دەڵێت، كەسە دەستگیركراوەكە ژنانی هەڵخەڵەتاندووە.
دەقی ڕاگەیەندراوی پۆلیسی هەولێر:
بەشی پۆلیسی قەزای خەبات، بنکەی پۆلیسی (سێبیران)، تۆمەتبارێکی خەڵکی ڕۆژئاوای کوردستانیان لە کۆمەڵگای (قەریەتاغ) بە ناوی (م. م. ا) بە تۆمەتی نوشتەکردن و فاڵگرتنەوە و فێڵکردن لە ئافرەتان و هاوڵاتییان دەستگیرکرد، کە بە ناوی مامۆستای ئاینییەوە نوشتەی بۆ خەڵک دەکرد و لە بەرامبەردا بڕەپارەیەکی زۆری لێوەردەگرتن.
تۆمەتباری ئاماژەپێکراو، کە لەناو ماڵەکەیدا دەست بەسەر چەندین نوشتە و جادوودا گیرا، بە بڕیاری بەڕێز دادوەری لێکۆڵینەوە و بەپێی ماددە 240 لە یاسای سزادان، ڕاگیرا.
