هەفتەی رابردوو جۆرجینا رۆدریگێز نمایشکاری بەرەگەز ئەرجەنتینی و خۆشەویستی یاریزانی پرتوگالی کریستیانۆ رۆناڵدۆ بە ستایلێکی جیاوازەوە لەسەر فەرشی سووری فێستیڤاڵی جۆی دەرکەوت بۆ یەکەمجاریش دیزاینەرەکەی هۆکاری هەڵبژاردنی ئەو ستایلە ئاشکرادەکات.
عەلی قەروی دیزاینەری بەناوبانگی تونسی و دیزاینەری پۆشاکەکانی جۆرجینا رۆدریگێز لە فێستیڤاڵی جۆی ئەۆرد رایگەیاند، “من لە ساڵی 2018 ەوە و لە فێستیڤاڵی کانەوە ئاشنایەتیم لەگەڵ جۆرجینا پەیداکردووە و ئەو زۆر سەرسامی کارەکانی منە”.
وتیشی، “دوو رۆژ پێش دەستپێکردنی ئاهەنگی دابەشکردنی خەڵاتەکانی جۆی کە لە ریاز بەڕێوەچوو پەیوەندی پێوەکردم و داوایلێکردم عەزییەکی بۆ ئامادەبکەم، منیش لەماوەی 24 کاتژمێردا ئەوەی ویستی بۆم ئەنجامدا”.
باسیلەوەشکرد، “لەهەڵبژاردنی دیزاینەکەدا ویستمان کلتور و دابونەریتی عەرەب بپارێزین، بۆیە پارچەیەک سەرپۆشمان بۆ پۆشاکەکە زیادکرد، دڵخۆشبووین چونکە ئەمە کاردانەوەی باشی بەدوای خۆیدا هێنا”.
