سەرۆكی ئەنجومەنی پارێزگای سلێمانی رایدەگەیەنێت، ئەو بڕە نەوتەی لەلایەن حكومەتی عێراقەوە بڕیاری لەسەر درابوو بڕێكی گەیشتووەتە پارێزگای سلێمانی و چاوەڕواندەكرێت لە هەفتەی داهاتووەوە لە سەنتەری شار و قەزا و ناحیەكاندا دابەشبكرێت.
ئازاد محەمەد ئەمین سەرۆكی ئەنجومەنی پارێزگای سلێمانی لە لێدوانێكدا بە تۆڕی میدیایی ئێستای راگەیاند، ئەو نەوتەی كە حكومەتی عێراق بۆ هەرێمی كوردستانی ناردووە بڕێكی گەیشتووەتە ناو شاری سلێمانی و نزیكەی دوو ملیۆن لیترێك كۆكراوەتەوە و ئامادەیە كە لەناو شار و قەزا و ناحیەكاندا دابەشبكرێت.
ئاماژەی بۆ ئەوەش كرد، بەپێی بەدواداچوونەكانی ئێمە لە هەفتەی داهاتوودا دابەشكردنی نەوتی سپی لە سەنتەری شارەكان دەستپێدەكات.
