بەڕێوەبەرایەتیی هاتوچۆی گەرمیان رایدەگەیەنێت، ئۆتۆمبێلێك لەسەر رێگای كەلار-دەربەندیخان وەرگەڕا و شۆفێرەكەی برینداربوو.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر رێگای كەلار-دەربەندیخان و نزیك گوندی بەرلوت ئۆتۆمبێلێكی جۆری(نیسان سەنی) وەرگەڕا.
هەر لە راگەیەندراوەكەدا هاتووە، شۆفێرەكە برینداربوو و زیانێكی زۆری ماددیی بەر ئۆتۆمبێلەكەش كەوتووە و لێكۆڵینەوە لە رووداوەكە دەستیپێكردووە.
