بەرەبەیانی ئەمڕۆ هەینی، فڕۆكەجەنگییەكانی ئیسرائیل هێرشێكی ئاسمانیان بۆ سەر هێزە چەكدارەكانی فەڵەستین لە كەرتی غەززە ئەنجامدا.
بەپێی هەواڵی چەند میدیاییەكی عەرەبی و جیهانی بۆردومانەكەی ئیسرائیل چەند ناوچەیەكی لە كەرتی غەززە كردووەتە ئامانج و تاوەكو ئێستا زەرەر و زیانەكانی بۆردومانەكە نەزاندراون.
هاوكات سوپای ئیسرائیل لە راگەیەندراوێكدا بڵاویكردووەتەوە، فڕۆكەكانیان هێرشیانكردووەتە سەر ناوەندێكی سەربازیی سەر بە بزوتنەوەی حەماس كە بۆ بەرهەمهێنانی مووشەك بەكارهێندراوە.
