قائیمقامیەتی قەزای دەربەندیخان لەبارەی سەگە بێلانەکانی شارەکەوە بڕیارێکی دەرکردووە و بەوپێیە، سەرجەم سەگە بێلانەکان لەلایەن تیمێکی تایبەتەوە کۆدەکرێنەوە و دەبرێنە دەرەوەی شارەکە.
لەوبارەیەوە پەیامنێری تۆڕی میدیایی ئێستا لە دەربەندیخان گواستییەوە، بەهۆی ئەوەی لە چەند رۆژی رابردوودا سەگە بێلانەکانی شارەکە پەلاماری چەند کەسێکیان داوە و برینداریان کردوون، بۆیە قائیمقامیەتی دەربەندیخان بڕیاریدا ببرێنە دەرەوەی شارەکە.
بەپێی بڕیارەکە لەلایەن تیمێکی تایبەتی قائیمقامیەتی دەربەندیخانەوە سەرجەم سەگە بێلانەکان دەگیرێن و کۆدەکرێنەوە، دواتر دەبرێنە دەرەوەی شار و بەرەڵا دەکرێن.
