فرانک لامپاردی ڕاهێنەری یانەی ئێڤەرتۆن، لە چەند ڕۆژی ڕابردوودا لەگەڵ یاریزانانێکیدا تووشی شەڕ و ئاژاوە بووە، ئەمڕۆش بە فەرمی لە پۆستەکەی دوورخرایەوە.
بەپێی زانیارییەکانی ڕۆژنامەی “The Sun”ی بەریتانی ، لامپارد لە ڕێکەوتی 14ی کانوونی دووەم لەگەڵ یاریزانێکی تیپەکەیدا بەشەڕهاتووە و بەشێوەیەکی زارەکی سوکایەتییان بە یەکدی کردووە.
سەرچاوەکە نووسیویەتی، عەبدوڵڵا دوکۆریی یاریزانی هێڵی ناوەڕاستی ئیڤەرتۆن، ئەو یاریزانەیە کە لەگەڵ لامپارد شەڕی بووە، بڕیاردراوە لە مەشقە بەکۆمەڵەکان دووربخرێتەوە و گرێبەستەکەشی هەڵبوەشێنرێتەوە.
🚨 According to @_pauljoyce: “Abdoulaye Doucoure has been told to train on his own. He and other Everton players were involved in a dressing room clash with Frank Lampard following the loss to Southampton.” #EFC pic.twitter.com/NMysOGdtiB
— TheMightyBlues (@MightyBluesYT) January 23, 2023
بە هەمانشێوە، فرانک لامپارد کە لە پێشوودا هەڕەشەی دوورخستنەوەی لەسەربوو، لەلایەن ئیدارەی “تۆفیز”ەوە بەفەرمی لە پۆستەکەی دوورخرایەوە.
ئێڤەرتۆن لە دوایین (12) یاری پریمەرلیگدا، تەنها یەک بردنەوەی بەدەستهێناوە.
لەم وەرزەدا (15) خاڵیان کۆکردووەتەوە و لە پلەی (19)ی خولەکەدان، لە ئەگەری بەردەوامبوونیان بە هەمان ئاست و ئەنجامەوە بۆ خولی پلە یەک دادەبەزن.
