ئەمڕۆ لە رووداوێکی هاتوچۆدا لە سنووری کەلار سێ کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، “ئەمڕۆ دووشەممە لەناو شاری کەلار و لە شەقامی دوو سایدی گەڕەکی سەرکەوتن ماتۆڕسکیلێکی جۆری دوو تایە ژنێکی کرد بە ژێرەوە و برینداربوو”.
ئاماژەی بەوەش کرد، “هەر لە رووداوەکەدا سەرنشین و لێخوڕی ماتۆرسکیلەکەش برینداربوون و سەرجەمیان گواسترانەوە بۆ نەخۆشخانە”.
ئاشکراشیکرد، “لێکۆڵینەوەکە لە رووداوەکە دەستیپێکردووە رێکارە یاساییەکانی بەردەوام دەبێت”.
