بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ هەڤاڵ مەحمود سەنگاوی، سەرپەرشتیاری میحوەری گەرمەسێری هێزی پێشمەرگەی كوردستان لە دەباشان كۆبووەوە.
لە كۆبوونەوەكەدا رێكخستنەوەی هێزی پێشمەرگە، دۆخی سنووری گەرمەسێر و رووبەڕووبوونەوەی تیرۆر گفتوگۆی لەبارەوەكرا و جەخت لە بەردەوامی ئۆپەراسیۆنەكان كرایەوە لە پێناو ریشەكێشكردنی پاشماوەكانی تیرۆریستان و پاراستنی سەقامگیری لە ناوچەكە.
لە درێژەی كۆبوونەوەكەدا سەرۆك بافڵ سوپاس و پێزانینی ئاراستەی هەڤاڵ مەحمود سەنگاوی و پێشمەرگەكانی سنووری گەرمەسێر كرد كە ماندوونەناسانە لەپێناو پاراستنی خاكی كوردستان بەردەوام لە ئەركدان و ئارامیی هەرێمەكەمان دەپارێزن.
