سەرۆكایەتیی شارەوانیی سلێمانی رایدەگەیەنێت، “ڕۆژانە بەدواداچوون، بۆ خزمەتگوزاریی پارك و باخچەكان دەكرێت و رۆژانە كاری نۆژەنكردنەوەیان بۆ ئەنجامدەدرێت”.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بەڕێوەبەرایەتیی باخچەكان لە ژێر چاودێریی سەرۆكی شارەوانی و بەسەرپەرشتیی تیمەكانی باخچەكان، كاری نۆژەنكردنەوە بۆ پارك و باخچەكان ئەنجامدەدات.
لە راگەیەندراوەكەدا هاتووە، چاككردن و پاككردنەوەو ئیشپێكردنی نافوورەكان و دانانی تابلۆی تایبەت، بە ڕێنماییەكانی پاراستنی باخچە و پاركەكان و پاككردنەوەی خەزانی ئاوی هەردوو باخچەی گەڕەكی مامۆستایان; باخچەی مامۆستا ئەحمەد هەردی و باخچەی شەهید عوسمان ماوەتی.
ئاماژە بۆ ئەوەش كراوە، هەڵمەتی جوانكردن و ڕوواندنی 30 داری توو، لە باخچەكانی گەڕەكی خەبات ئەنجامدرا.
