لەلایەن هێزەكانی پۆلیسی سەیدسادق-ەوە بەكارهێنەرێكی ماددەی هۆشبەر بەبڕێك لەو ماددەیەوە دەستگیركرا.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی بەشی پۆلیسی سەیدسادق زانیاری لەسەر تۆمەتبارێك كۆكردەوە كە بەكارهێنەری ماددەی هۆشبەرە، بەدواداچوون و لێكۆڵینەوەكان بۆ دۆزینەوە و دەستگیركردنی دەستیپێكرد و سەرنجام توانرا تۆمەتبار بدۆزرێتەوە و دەستگیربكرێت.
لەكاتی دەستگیركردنیدا دەستگیرا بەسەر بڕێك ماددەی هۆشبەر، وەك ئەوەی پۆلیسی سلێمانی دەیڵێت.
ئەوەشی خستەڕوو، لەئێستادا تۆمەتبار (م.ع.ف.) بە بڕیاری دادوەر و بەپێی ماددەی 15ی نەهێشتنی ماددە هۆشبەرەكان راگیراوە و لێكۆڵینەوە لەگەڵیدا بەردەوامە.
