وەزیری دەرەوەی عێراق رایدەگەیەنێت، ئەمریكا گومانی لەو دۆلارە هەیە كە لە بانكی ناوەندیی عێراقەوە دەخرێتە بازاڕەوە و دەڵێت، “دیناری عێراقی وەك تمەن و لێرەی توركی بەهاكەی دانابەزێت”.
فوئاد حسێن وەزیری دەرەوەی عێراق لە دیدارێكی تەلەفزیۆنیدا رایگەیاند، دیناری عێراقی وەك تمەنی ئێرانی و لێرەی توركی بەهاكەی دانابەزێت، چونكە ئێستا دۆخی دارایی عێراق باشە و نرخی نەوت بەرزە.
ئاماژەی بۆ ئەوەش كرد، ئەمریكا گومانی هەیە كە دۆلار لە عێراق بە نایاسایی دەبردرێتە دەرەوە بۆیە چەند رێوشوێنێكی بە هەماهەنگی لەگەڵ بانكی ناوەندیی عێراقدا گرتووەتەبەر.
