فەرمانگەی ژینگەی هەولێر، رایدەگەیەنێت، “پاڵاوگەکەی گوێر نایاساییە و مەرجی سەلامەتی و ژینگەیی تێدانییە”.
فەرمانگەی ژینگەی هەولێر، لە راگەیەندراوێکدا بڵاویکردەوە، ئەمڕۆ لیژنەی چاودێریی پرۆژە پیشەسازییەکان سەردانی پاڵاوگەکەی گوێری کرد کە شەوی رابردوو رووداوێکی نەخوازراو تیایدا روویدا، پاڵاوگەکە نایاساییە و ئاگرەکەی بووەتە هۆی پیسکردنی بەرگە هەوا و ژینگەی شار بە گشتی.
لە راگەیەندراوەکەدا هاتووە، “ئەو پاڵاوگانە هیچ مەرجێکی سەلامەتی و ژینگەییان تێدانییە”.
شەوی رابردوو لە پاڵاوگەیەک لەسەر رێگای هەولێر-گوێر ئاگرکەوتەوە و تاوەکو ئێستاش نەتوانراوە کۆنتڕۆڵبکرێت.
