سەرچاوەیەك لە نێو بەڕێوەبەرایەتیی پۆلیسی كەركوك بە تۆڕی میدیایی ئێستای راگەیاند، ” كاتژمێر 11:30 خولەكی شەوی سێشەممە لە گوندی جەبەڵ بۆری باكووری پارێزگای كەركوك، ئەفسەرێك بەپلەی موقەدەم لە بەڕێوەبەرایەتیی پۆلیسی كەركوك و شۆفێرەكەی لەلایەن چەند كەسێكی نەناسراوە دراونەتە بەر دەسترێژی گوللە”.
ئاماژە بۆ ئەوەش كراوە، ئەفسەرەكە و شۆفێرەكەی كە سەر بە فەوجی سێی پۆلیسی ئامادەی كەركوك بوون گیانیان لەدەستداوە.
سەرچاوەكە راشیگەیاندووە، “تاوەكو ئێستا ئەنجامدەرانی ڕووداوەكە ئاشكرانەكراون و لێكۆڵینەوە لە رووداوەكە دەستیپێكردووە، گوماندەكرێت پەلامارەكە لەلایەن تیرۆریستانەوە ئەنجامدرابێت.
