فەیسەڵ كەریم خان برادۆستی، ئەندامی سەركردایەتیی یەكێتی رایدەگەیەنێت، لە ئەنجامی خراپیی ئیدارەدانی تاكڕەوانە لە بڕیار، گەیشتووە بە ئاستێكی ناهەموار و ناسەقامگیر بێشك، ئەم جۆرە لە ئیدارەدانی تاكڕەوانە و خۆسەپێنییە، ئەنجامی خێری نابێت بۆ كوردستان.
دەشڵێت، “لەو ئان و ساتە ناهەموارەشدا، باوەڕی تەواومان بە هەنگاوەكانی تیمی یەكێتیی نیشتمانیی كوردستان و سەرۆكی تیمەكەمان و برای خۆشەویستمان كاك قوباد هەیە، كە بە حەكیمانە و پشوو درێژیی خۆی لە بەرژەوەندیی گشتی ئەم دۆخە تێدەپەڕێنن”.
ئەو سەركردایەتییەی یەكێتی ئاماژەی بۆ ئەوەش كرد، سەرباری باوەڕبوونمان لە هەموو ئان و ساتێكدا بە یەكڕیزیی نیشتیمانی، و باوەڕی چەسپاومان بە لێكتێگەیشتن و چارەسەركردنی كێشەكان بە دیالۆگ و لێكتێگەیشتن هەیە و باوەڕمان وایە ئەگەر ئەم تاكڕەوییە نەوەستێندرێت، دەرئەنجامی زۆر نەرێنی دەبێت و كاریگەرییە خراپەكانی قۆناغ قۆناغ زیاتر دەردەكەون.
