پاولۆ دیبالا بۆ دووەم یاریی لەسەر یەک هاوکاری مۆرینیۆ دەکات بۆ ئەوەى ڕۆما بردنەوە بەدەست بهێنێت.
دواى ئەوەى ئەرجەنتین بووە پاڵەوانی مۆندیال و دیبالا گەڕایەوە ڕۆما، لە چاوپێکەوتنێکدا سوپاسی مۆرینیۆی کرد کە بەهۆی ئەوەوە بانگهێشتی مۆندیال کراوە و بووەتە پاڵەوان.
وتیشی: بەڵێن بێت قەرەبووی ئەو هاوکارییەى مۆرینیۆ بکەمەوە.
لەدواى ئەو بەڵێنەوە، ڕۆما دوو یاریی بردۆتەوە، هەردووکی بە گۆڵی دیبالا براوە بووە.
یاریی پێشوو یەک بە سفر لە جیرۆنایان بردەوە، ئەم یارییەش دوو بە سفر لە فیۆرینتینایان بردەوە، هەر سێ گۆڵەکەی ئەو دوو یارییەش دیبالا کردویەتی.
