فڕۆکەخانەی نێودەوڵەتیی بەغداد رایگەیاند، سەرجەم گەشتە ئاسمانییەکانیان بەهۆی دۆخی کەشوهەواوە راگرتووە.
ئیدارەی فڕۆکەخانەی نێودەوڵەتیی بەغداد ئاشکرایکرد، “سەرجەم گەشتیاران و ئەو هێڵە ئاسمانییانە ئاگاداردەکەینەوە کە لە فڕۆکەخانەکە کاردەکەن سەرجەم جوڵە و گەشتەکان راگیراون”.
هۆکاری راگرتنی گەشتەکانی فڕۆکەخانەی بەغداد بۆ بارودۆخی کەشوهەوا و کەمبوونەوەی مەودای بینین بۆ کەمتر لە 100 مەتر دەگەڕێتەوە، وەک فڕۆکەخانەکە رایگەیاندووە.
ئاماژەی بەوەشکرد، “لەهەر گۆڕانکاری و بڕیارێکی نوێ سەبارەت بە گەشتەکان ئاگاداردەکرێنەوە”.
