لە پاڵەوانێتیی جامی كەنداوی 25ـدا، ژمارەیەك هاوڵاتیی عێراقی و هاندەرانی خەڵكی وڵاتانی كەنداو هەڵپەڕكێ دەكەن.
وەك لە ڤیدیۆكەدا دەبینرێت و بەپێی ئەوەی لە میدیای عێراقیدا بڵاوبووەتەوە، هاندەرانی عێراقی و بەشێك لەو كەسانەی لە وڵاتانی كەنداوەوە چوونەتە بەسڕە بۆ سەیركردنی یارییەكانی پاڵەوانێتیی جامی كەنداوی 25، هەڵپەڕكێی كوردی دەكەن.
ئاهەنگەكە لەسەر كۆرنیشی بەسڕە و لە نزیك شاری وەرزشیی بەسڕە سازدراوە و بەشداربووان بە گۆرانی و هەڵپەڕكێی كوردی گوزارشت لە شادی و دڵخۆشیی خۆیان دەكەن.
