ڕاگەیاندراوی 24 کاتژمێری تایبەت بە پەتای کۆرۆنا لە هەرێمی كوردستان

وەزارەتی تەندروستیی هەرێمی کوردستان ڕایگەیاند، لە ماوەی 24 كاتژمێردا 248 كەسی نوێ تووشی كۆرۆنا بوون، 11 كەسیش بە هەمان هۆكار مردوون.

كەمێك لەمەوبەر وەزارەتی تەندروستیی هەرێمی كوردستان لە ڕاگەیەندراوێكدا لەبارەی ئاماری 24 كاتژمێری ڕابردووی پەتای كۆرۆنا ڕایگەیاند، “لە هەرێمی كوردستان 248 كەسی نوێ تووشی كۆرۆنا بوون، زۆرترین ژمارەی تووشبوونیش لە پارێزگای دهۆك بووە كە 130 كەس تووشبوون، كەمترین ڕێژەی توشبوونیش لە پارێزگای هەڵەبجە تۆمار كراوە كە 3 كەسن.”

لەبارەی مردن بە كۆرۆنا وەزارەتی تەندروستیی هەرێم ئاشكرایكردووە، لەو ماوەیەدا 11 توشبووی كۆرۆنا لە هەرێم گیانیان لەدەستداوە كە سێ تووشبوویان لە هەولێر و حەوت تووشبوو لە سلێمانی و یەك كەس لە ڕاپەڕین گیانی لەدەستداوە.

ژمارەی ئەو كەسانەشی لە 24 كاتژمێری ڕابردوودا چاكبوونەتەوە بریتییە لە 497 كەس.

بابەتی پێشتر

بەڕێوبەری بایرن لەبارەی ئالابا و دەنگۆکانی کڕینی دیبالا و هالاندەوە دەدەوێت

بابەتی دواتر

شێخی ئیمارات هەشتەمە.. ئەو (10) سەرمایەدارەی حوکمی یانە وەرزشییەکان دەکەن

بابەتی پەیوەندیدار
Total
0
Share