باران زۆنگاوەكانی باشووری بووژاندووەتەوە

دوای وشكبوونی زۆرینەیان، شەپۆلی بارانبارین زۆنگاوەكانی باشووری عێراقی بووژاندووەتەوە.

ئەوەی لە وێنەكاندا دەبینرێت، زۆنگاوی حوێزە لە پارێزگای میسانی باشووری عێراقە، كە ئاوێكی زۆری تێڕژاوە و دووبارە ژیانی بۆ گەڕاوەتەوە.

لە هاوینی رابردوودا، زۆرینەی زۆنگاوەكانی عێراق بەهۆی وشكەساڵی و كەمبوونەوەی ئاوی سەرزەوی و ژێرزەوییەوە وشكیانكرد، وشكبوونەوەكە بووەهۆی لەناوچوونی سامانی ماسیی ناوچەكە و مرداربوونەوەی ژمارەیەكی زۆری گامێش كە دانیشتووانی رۆخی زۆنگاوەكان بە بەخێوكردنیان ناودارن، ئەوەش زۆرینەی دانیشتووانی ناوچەی زۆنگاوەكانی ناچار بە كۆچكردن بەرەو شارەكانی عیمارە و بەسڕە كرد.

ماوەی چەند رۆژێكە شەپۆلێكی چڕی بارانبارین هاوكاتی هەرێمی كوردستان، ناوچەكانی ناوەڕاست و باشووری عێراقی گرتووەتەوە و بەو هۆیەوە زۆنگاوەكان بووژاونەتەوە.

بابەتی پێشتر

كاسبكاران لەبارەی بڕیارێكەوە ئاگاداردەكرێنەوە

بابەتی دواتر

مۆرینیۆ کشایەوە و بەڕازیل چاوی لە زێدانە

بابەتی پەیوەندیدار
Total
0
Share