هەڵبژاردەی عێراق دووەم یاریی قۆناغی کۆمەڵەکانی جامی کەنداوی بەرامبەر سعوودیە ئەنجامدا و بردنەوەیەکی گەورەی تۆمارکرد.
ئەمشەو دووشەممە، یاریی گەڕی دووەمی قۆناغی کۆمەڵەکانی جامی کەنداوی (25) لە نێوان هەڵبژاردەکانی عێراق و سعوودیە ئەنجامدرا، عێراقی خانەخوێ بە ئەنجامی دوو گۆڵی بێبەرامبەر بردنەوەی تۆمارکرد.
گۆڵەکانی “شێرەکانی ڕافیدەین” لە خولەکەکانی 30 و 86 لەلایەن ئیبراهیم بابش و ئاسۆ ڕۆستەمەوە تۆمارکران.
سەرەڕای ئەوەی بارانی بەخوڕ یاریگای بەسڕەی نێودەوڵەتیی هاوشێوەی مەلەوانگە لێکردبوو، بەڵام بە ئامادەبوونی جێنین پلاسخارتی نێردەی نەتەوە یەکگرتووەکان، یارییەکە بەردەوامی پێدرا.
لە ئێستادا عێراق بە چوار خاڵ و جیاوازی گۆڵ بەرامبەر عوممان، یەکەمی کۆمەڵەکەی گرتووە، یەمەن ماڵئاوایی لە پاڵەوانێتییەکە کردووە.
یاریی داهاتووی عێراق بەرامبەر هەڵبژاردەی یەمەن دەبێت، سعوودیە و عوممان شەڕی بلیتی دووەمی گروپەکە دەکەن.
