پۆلیس ڕووداوێکی تەقەکردنی لەناو قوتابخانەیەک راگەیاند کە لەلایەن منداڵێکی تەمەن شەش ساڵەوە بووە و تەقەی لە یەکێک لە مامۆستاکانی کردووە.
بەپێی پۆلیسی ئەمریکا لە قوتابخانەیەکی بنەڕەتی لە ویلایەتی ڤێرجینیا منداڵێکی تەمەن شەش ساڵ تەقەی لە مامۆستاکەی کردووە و برینداری کردووە.
ئاماژە بەوە کراوە، برینی مامۆستاکە سەختە و لە ژێر چاودێریی چڕدایە.
پۆلیسی ئەمریکا ئەوەشی خستووەتەڕوو منداڵەکە ئێستا لەلای پۆلیس راگیراوە و مامۆستاکەش تەمەنی 30 ساڵە و ژیانی لە مەترسیدایە.
بەڕێوەبەری قوتابخانەکە دەڵێت، رووداوەکە شۆکی کردین، کۆمەڵگاکەمان پێویستی بەوەیە چاودێریی زیاتر بخرێتە سەر منداڵان گەنجان کە دەستیان نەگات بە چەک.
