لە ئەڵمانیا هێرشکرایە سەر ئامادەبووانی ئاهەنگی نەورۆز و کەسێک کوژراو و چوار کەسی دیکەش برینداربوون.
ئەمڕۆ یەکشەممە، میدیا جیهانییەکان بڵاویانکردەوە، لە شاری پارسبێرگی وڵاتی ئەڵمانیا کەسێک بە چەقۆ هێرشی کردە ژمارەیەک بەشداربووی ئاهەنگی نەورۆز لە شارەکەدا.
ئاماژەیان بەوەداوە، بەهۆی هێرشەکەوە کەسێك گیانی لەدەستداوە و چوار کەسی دیکەش برینداربوون، ئەو کەسەی هێرشەکەشی کردووە هەوڵی هەڵاتنی داوە، بەڵام لەلایەن هێزەکانی پۆلیسەوە دەستگیرکراوە.
ئەوەشیان خستووەتەڕوو، بەڕێوەچوونی ئاهەنگەکە بەهۆی جەژنی نەورۆزەوە بووە و تیایدا نزیکەی 800 کەس بەشداربوون، هۆکاری ئەنجامدانی هێرشەکەش ئاشکرانەکراوە..
