وەزارەتی سەرچاوەكانی ئاو دڵنیاییدەدات لەوەی شەپۆلی ئەمجارەی بارانبارین، دەریاچە و رووبار و زۆنگاوەكانی بووژاندووەتەوە و ئاوی عەمباركراو زیادیكردووە.
لە راگەیەندراوێكدا كە ئەمرۆ پێنجشەممە بڵاویكردەوە، وەزارەتی سەرچاوەكانی ئاوی عێراق رایگەیاند، بارانبارینەكەی دوێنێ دەریاچەكانی بووژاندووەتەوە، لەوانە دەریاچەی حەمرین، ئاستی ئاوی رووباری دیجلەش بەرزبووەتەوە و بڕی ئاوی عەمباركراوی عێراق زیاددەكات.
بەپێی راگەیەندراوی وەزارەتی سەرچاوەكانی ئاو، زۆنگاوەكانی باشوور كە بەشێكیان بەهۆی وشكەساڵی و كەمئاوییەوە وشكیانكردبوو، دووبارە ئاوێكی زۆریان تێڕژاوە و بووژاونەتەوە، بەوەش مەترسیی كەمئاوی كەمبووەتەوە.
