کەشناسیی هەرێمی کوردستان پێشبینی نمەباران و بەفرێکی کەم دەکات لە هەرسێ پارێزگای هەولێر، سلێمانی و هەڵەبجە.
بەپێی پێشبینیی کەشناسیی هەرێمی کوردستان، ئەمڕۆ پێنجشەممە ئاسمان بە گشتی نیمچەهەور دەبێت و ئەگەری نمەباران لەسەر بەشێک لە ناوچە شاخاوییەکانی سنووری پارێزگای هەولێر و سلێمانی و هەڵەبجە دەبێت لەگەڵ بەفرێکی کەم.
ئاشکراشیکردووە، لە دوای نیوەڕۆ کەش ئاسایی دەبێتەوە و پلەکانی گەرماش کەمێک نزمدەبێتەوە بەراورد بە تۆمارکراوەکانی دوێنێ.
کەشناسی سەبارەت بە کەشوهەوای سبەینێ هەینی پێشبینیی دەکات، ئاسمان نیمچەهەوربێت و ئەگەری نمەبارانی کەم لە بەشێک لە ناوچە شاخاوییەکان دەبێت، پلەکانی گەرما وەک رۆژانی پێشوو دەبێت.
