دوای لێدانێكی زۆر بە دار و وایەر لە لایەن باوكییەوە، مێردمنداڵێك گیانیلەدەستدا.
رووداوەكە لە شارۆچكەی ئامرلی لە باشووری خورماتوو روویداوە، باوکەکە ئالوودەی ماددەی ھۆشبەر و خواردنەوە کحولییەکان بووە وەك سەرچاوەیەكی ئەمنی ئاشكرایكرد.
بەپێی وتەی عەمید حسێن عەلی بەڕێوەبەری پۆلیسی خورماتوو، لە ناحیەی ئامرلی، پیاوێك بەهۆی كێشەی خێزانییەوە بە دار و وایەر و بۆكس لە كوڕێكی خۆی داوە، كوڕەكە ناوی سەجاد زەینەلعابدینە و لەدایكبووی ساڵی 2008ـە.
بەڕێوەبەری پۆلیسی خورماتوو دەڵێت، دوای ئەشكەنجەدان و لێدانێكی زۆر، مێردمنداڵەكە گیانیلەدەستداوە و ئەمڕۆ چوارشەممە گەیەندراوە بە نەخۆشخانەی گشتیی خورماتوو.
ئاشكراشیكرد، باوکەکە لە بازگەی ئامرلی لە لایەن ھێزەکانی پۆلیسەوە دەستگیرکراوە.
