بافڵ جەلال تاڵەبانی بە بۆنەی هەڵبژاردنی عەلی زەیدی وەک سەرۆکوەزیرانی عێراق، پەیامێکی بڵاوکردەوە.
بافڵ جەلال تاڵەبانی، سەرۆکی یەکێتیی نیشتمانیی کوردستان بەبۆنەی متمانەبەخشین بە کابینەی نوێی حکومەتی عیراق پەیامێکی بڵاوکردەوە و تیایدا هاتووە، بەڕێز عەلی فالح زەیدی، سەرۆکوەزیرانی حکومەتی فیدراڵ، وەزیرە بەڕێزەکان، پیرۆزباییەکی گەرمتان ئاڕاستە دەکەم بەبۆنەی بەدەستهێنانی متمانەی ئەنجومەنی نوێنەران و هیوای سەرکەوتنتان بۆ دەخوازم لە ئەرکە نوێیەکەتاندا.
وتیشی، یەکێتیی نیشتمانیی کوردستان بە پەرۆشەوە یارمەتیدەرتان دەبێت لە سەرخستنی پرۆژە نیشتمانی و خزمەتگوزارییەکانی حکومەت و یەکخستنی هەوڵەکانمان بۆ زاڵبوون بەسەر ئاڵنگارییەکان و چارەسەرکردنی کێشەکان.
