دەسەڵاتیی فڕۆکەوانیی شارستانیی عێراق ڕێنمایی نوێی تایبەت بە گەشتکردن دەرکرد و بەپێی ئەو ڕێنماییانەش تەنها بە پشکنینی PCR کە تایبەتە بە ڤایرۆسی کۆرۆنا ڕێگە دەدرێت گەشتیار گەشتبکات.
لە ڕاگەیەندراوێکدا کە فڕۆکەخانەی نێودەوڵەتیی سلێمانی بڵاویکردووەتەوە هاتووە، “دەسەڵاتی فڕۆکەوانیی شارستانیی عێراق، گەشتیاران و ھێڵە ئاسمانییەکان ئاگاداردەکاتەوە، لەئێستادا پشتبەستن بە بڕوانامەی نیۆدەوڵەتیی تایبەت بە وەرگرتنی ڤاکسینی دژی COVID-19ی بۆ ھاوڵاتییانی عێراق هەڵپەساردووە”.
بەپێی ئەو ڕێنماییەی دەسەڵاتی فڕۆکەوانیی عێراق دەریکردووە، هاوڵاتییانی عێراق لەکاتی گەشتکردنیان بۆ دەرەوەی وڵات، تەنھا پشکنینی (PCR) بە کەمتر لە 72 کاتژمێر پێش ڕۆشتن کاریپێدەکرێت.
