نێیمار دا سیلڤای بەڕازیلی لە پاریس سەرقاڵی ئامادەکارییە بۆ یارییەکانی داهاتووی پاریس سان جێرمان، لە کاتێکدا گەلی بەڕازیل لە خەمی کۆچی دوایی پیلێ-ی ئەفسانەدایە.
تۆڕی “ئاڕ ئێم سی سپۆرت”ی فەرەنسی ئاماژەی بە هەڵوێستی هاندەرانی بەڕازیل کردووە لە پرۆگرامی ” Brasil Urgente”یەوە، تێیدا زۆرینەی بەڕازیلییەکان لە نێیمار توڕەبوون بەهۆی ئامادە نەبوونی لە مەراسیمی بەخاکسپاردنی “پیلێ”ی ئەفسانەدا.
هاندەرانی “سێلیساو” پێیانوایە یاریزانەکەیان ستەمی لە پیلێ کردووە، چونکە ئەو هەمیشە بە جێنشینی خۆیی زانیوە و بە شانوباڵیدا هەڵیداوە.
Ils manipulent les fans du psg contre leur club pour buzzer. Neymar Senior présent a l’enterrement de Pelé dit " Mon fils m’a demandé d’être ici à sa place ". Ils transforment cela en " mon fils voulait être la, le club l’a empêché "
PROCÉDÉ HONTEUX🤮pic.twitter.com/vXpU3KVLgP— La Source Parisienne (@lasource75006) January 2, 2023
لە کاتێکدا کیلیان مباپێ و ئەشرەف حەکیمی مۆڵەتیان لە پاریس سان جێرمان وەرگرتووە بۆ بینینی یاریی باسکەی نێوان برۆکلین نێتس و سان ئەنتۆنیۆ سپێرز، بەڵام نێیمار هیچ فشارێکی نەکردووە بۆ ئامادەبوون لە مەراسیمی ماڵئاواییکردی پیلێ.
هاندەران بەڵگەیان بەوە هێناوەتەوە، لە پێشوودا نێیمار بۆ یادێکی لەدایکبوون دەیانجار فشاری لە ئیدارەی بەرشلۆنە و پاریس سان جێرمان کردووە و گەڕاوەتەوە بۆ وڵاتەکەی، بەڵام لە پێناو پیلێ-دا ئەوکارەی نەکردووە و باوکی ناردووە تاوەکو بەشداریی مەراسیمەکە بکات.
