بكوژی بەڕێوەبەری وێستگەی سووتەمەنیی میری لە خانەقین دەستگیركرا.
ئەمڕۆ سێشەممە هێزە ئەمنییەكان كەسێكیان دەستگیركرد كە تۆمەتبارە بە كوشتنی فەتاح دەلۆ لە خانەقین.
بەرەبەیانی رۆژی یەكی كانوونی دووەم، تەرمی فەتاح دەلۆ بەڕێوەبەری وێستگەی سووتەمەنیی میریی زەینلقەوس لە قەزای خانەقین، بە كوژراوی لە نێو ئۆتۆمبێلەكەیدا لە گەڕەكی تۆڵەفرۆشی قەزاكە دۆزرایەوە.
ئەمڕۆ هێزە ئەمنییەكانی عێراق لە خانەقین دەستگیركردنی تۆمەتباری كوشتنی ئەو هاوڵاتییە كوردەیان راگەیاند، بەبێ ئەوەی وردەكاریی زیاتر بخەنەڕوو.
