دووەم بەشەنەوت بەسەر هاوڵاتییانی ناوچە كوردستانییەكانی دەرەوەی ئیدارەی هەرێمدا دابەشدەكرێت و بەڕێوەبەرایەتیی دابەشکردنی بەرهەمە نەوتییەکانی کەرکوک دەڵێت، لە 30 وێستگە نەوت بەسەر هاوڵاتییاندا دابەشدەكرێت.
ئەمڕۆ دووشەممە بەڕێوەبەرایەتیی دابەشکردنی بەرهەمە نەوتییەکانی کەرکوک رایگەیاند، لە 30 وێستگە دەست بە دابەشکردنی نەوتی سپی كراوە و داوادەكات هاوڵاتییان سەردانی نزیکترین وێستگە بکەن بە مەبەستی وەرگرتنی نەوت.
لە ماوەی رابردوودا هەر خێزانێك 100 لیتر نەوتی وەرگرتووە و لەم قۆناغەشدا 100 لیتر نەوتی سپی بۆ هەر خێزانێك دابینكراوە و بە 15 هەزار دینار دەدرێت بە هاوڵاتییان.
