لە خانەقین بەڕێوەبەری بەنزینخانەیەک کوژرا

بەیانیی ئەمڕۆ لە قەزای خانەقین بەڕێوەبەری بەنزینخانەیەکی حکومی کوژرا کە کوردە و بە دەستڕیژی گوللـە کوژراوە.

پەیامنێری تۆڕی میدیایی ئێستا لە گەرمیان گواستییەوە، کەسێک بەناوی فەتاح دەلۆیی کە تەمەنی 55 ساڵە و کوردە، بەیانیی ئەمڕۆ بە دەستڕێژی گوللـە لەناو ئۆتۆمبێلەکەی خۆیدا کوژراوە.

کوژراوەکە ماوەی پێنج ساڵە بەڕێوەبەری ئەو بەنزینخانەیەیە و لەکاتێکدا لەناو ئۆتۆمبێلەکەیدا بووە لەسەر رێگای توڵەفرۆش دەستڕێژی گوللـەی لێکراوە و دەستبەجێ گیانیلەدەستداوە.