ئێران بۆردوومانی دۆڵی ڕۆستی كرد

ئێران بە درۆن هێرشیكردە سەر بەرزاییەكانی دۆڵی ڕۆست و ناحیەی سمێلان، كە هێزەكانی كۆمەڵەی زەحمەتكێشانی كوردستانی لێیە.

كۆمەڵەی زەحمەتكێشانی كوردستان، كە هێزێكی ڕۆژهەڵاتی كوردستانن و لە ناوچەكە جێگیربوون، بڵاویانكردەوە، سوپای پاسدارانی ئێران بە درۆن و تۆپخانە هێرشیان كردووەتە سەر بەرزاییەكانی دۆڵی ڕۆست و ناحیەی سمێلان لە دەڤەری باڵەكایەتی.

كۆمەڵەی زەحمەتكێشان دووپاتیدەكاتەوە، دەوروبەری بارەگاكانیان بۆردوومان كراوە، بەڵام زیانی گیانییان نەبووە.

ستادی نیزامیی هێزی پێشمەرگەی کۆمەڵە ڕاگەیەندراوێكی بڵاوكردەوە، دەڵێت، “لە درێژەی تۆپباران و دەستدرێژییەکانی سوپای پاسداران بۆسەر ناوچە سنوورییەکانی هەرێمی کوردستان، کاتژمێر 8:50 خولەكی بەیانی ئەمڕۆ چوارشەممە ٢١ بنکە و شوێنی نیشتەجێبوونی پێشمەرگەکانی کۆمەڵە لە دۆڵی ڕۆست کرانە ئامانجی تۆپبارانی سوپای پاسداران، کە تا کاتژمێر 9:15 بەردەوام بوو”.

کۆمەڵە ئاشكراشیكردووە، “هاوکات لەگەڵ تۆپبارانکردنەکە، دوو درۆنی سوپای پاسداران کە هاتبوونە سەر بنکەکانی هێزی پێشمەرگەی کۆمەڵە، پاش تەقە و کاردانەوەی هاوڕێیانی پێشمەرگە، دوورخرانەوە”.

دڵنیاییشی داوە لەوەی سەرجەم پێشمەرگەكانی كۆمەڵە سەلامەتن.

كۆمەڵەی زەحمەتكێشانی كوردستان ڤیدیۆی پێشمەرگەیەكی بڵاوكردووەتەوە، دەڵێت، لەكاتی تەقەكردنە لە درۆنەكانی ئێران.

بابەتی پێشتر

حكومەت دانی پێدا نا.. تەنها 39%ی داهاتی ناردووە بۆ سلێمانی‏

بابەتی دواتر

كۆنگرەی ڕۆژنامەوانی چاڤی پاش بردنەوەی بەرشلۆنە لە سێلتاڤیگۆ

بابەتی پەیوەندیدار
زیاتر ببینە

وه‌زاره‌تى كاره‌با پلانى كاتژمێره‌كانى پێدانى كاره‌باى بۆ وه‌رزی زستان ڕاگه‌یاند

وه‌زاره‌تى كاره‌باى حكومه‌تى هه‌رێمى كوردستان، پلانەکانی وەزارەته‌كه‌ی بۆ كاتژمێره‌كانى پێدانى كاره‌با بە هاوڵاتییان له‌ وه‌رزى زستاندا ڕاگه‌یاند. له‌…
Total
17
Share