وەزیری بەرگریی عێراق سەردانی قەزای مەخموری كرد و بڕیاریدا كامێرای حەراریی و پێداویستیی لۆجیستی بۆ هێزە ئەمنییەكان لە سنوورەكە دابینبكات.
ئەمڕۆ شەممە، سابت محەمەد وەزیری بەرگریی عێراق بە یاوەریی ژمارەیەك لە فەرماندە و ئەفسەرانی وەزارەتەكەی سەردانی قەزای مەخموری كرد و بارەگای فەرماندەیی فرقەی 14ی پیادەی بەسەركردەوە فەرمانیكرد بە دابینیكردنی پێداویستیی لۆجیستی و كامێرای حەراریی و سەرجەم ئەو پێداویستییانەی كە فەرماندەیی فرقەی 14ی پیادە پێویستیان پێیەتی.
