سێ هاوڵاتیی دانیشتووی سنووری پارێزگای دهۆك، لە كاتی گەشتێكیاندا بۆ ئێران، لە ڕۆژهەڵاتی كوردستان تووشی ڕووداوێكی هاتوچۆ بوون و گیانیان لەدەستدا.
فەخری هەرکی، مەخسید هەرکی و عەلی هەرکی سێ ئامۆزا بوون و دانیشتووی ناحیەی گردەسێنی سەر بە قەزای ئاکرێ لە پارێزگای دهۆك بوون، ئەمڕۆ لە ڕووداوێکی هاتوچۆدا لە شاری پیرانشاری ڕۆژهەڵاتی كوردستان گیانیان لەدەستدا.
نورەدین هەركی ئامۆزای سێ قوربانییەكە بە تۆڕی میدیایی ئێستای ڕاگەیاند، تەرمی سێ ئامۆزاكەی لە شاری پیرانشارن و دوای تەواوبوونی ڕێكارەكان، دەگەڕێندرێنەوە بۆ هەرێمی كوردستان و لە زێدی خۆیان بەخاكدەسپێردرێن.
