بەپێی ئەو زانیارییانەی بە تۆڕی میدیایی ئێستا دراون، لە قەزای دەربەندیخان كەسێك بە ناوی چەندین جۆر مامەڵەی بازرگانییەوە پارەی لە ژمارەیەك لە هاوڵاتییانی قەزاكە وەرگرتووە و بە شێوەیەك مامەڵەیكردووە كە لە بەرامبەردا قازانجێكی زۆر دەداتە ئەو كەسانەی پارەی پێدەدەن.
لە زانیارییەكاندا هاتووە، بەپێی خەمڵاندنێكی سەرەتایی دەركەوتووە نزیكەی یەك ملیۆن و 500 هەزار دۆلاری لە خەڵك وەرگرتووە كە بە شێوەی پارەی كاش و ئۆتۆمبێل و مەڕوماڵات و ماوەی چەند ڕۆژێكە ئەو كەسە هەڵاتووە و هێزە ئەمنییەكانیش دەستیان بە لێكۆڵینەوە كردووە، بەڵام تا ئێستا هیچ كەسێك دەستگیر نەكراوە.
جێی ئاماژە بۆكردنە، لە ماوەی كەمتر لە ساڵێكدا ئەمە دووەم كەیسی هاوشێوەیە كە لە دەربەندیخان كەسێك پارەیەكی زۆری هاوڵاتییان دەبات و دواتر هەڵدێت.
