بانكی ناوەندیی عێراق رایدەگەیەنێت، رێوشوێنی پێویست بۆ دابەزاندنی بەهای دۆلار بەرامبەر دیناری عێراقی گیراوەتەبەر و یەكێك لەو هەنگاوانە زیادكردنی ئەو ناوەندانەی كە تایبەتن بە فرۆشتنی دراوی بیانی لە بانكەكاندا.
بەپێی راگەیەندراوێكی بانكەكە تێیدا هاتووە، ئەمڕۆ شەممە مستەفا غالب پارێزگاری بانكی ناوەندیی عێراق سەردانێكی مەیدانی بۆ ژمارەیەك لە بانكەكان ئەنجامداوە كە دەستیان بە فرۆشتنی دراوی بیانی كردووە.
لە راگەیەندراوەكەدا هاتووە، ئەو ناوەندانەی تایبەتن بە فرۆشتنی دۆلار لە بانكەكان بۆ دوو هێندە زیاد بكرێن بە مەبەستی گەڕاندنەوەی بەهای دۆلار بۆ دۆخی ئاسایی خۆی بەرامبەر بە دیناری عێراقی.
