رێکخراوی پەیامنێرانی بێسنوور بڵاویکردەوە، عێراق و سوریا مەترسیدارترین وڵاتن بۆ رۆژنامەنووسان و لە ماوەی 19 ساڵ نزیکەی 600 رۆژنامەنووس تێیاندا کوژراون.
رێکخراوی پەیامنێرانی بێسنوور لە نوێترین راپۆرتی خۆیدا بڵاویکردەوە، “لە ساڵی 2003 وە تا کۆتایی ساڵی 2022 هەزار و 668 رۆژنامەنووس لە سەرانسەری جیهاندا کوژراون، واتە لە ساڵێکدا 80 رۆژنامەنووس بە تێکڕا کوژراون”.
ئاماژەی بەوەش کرد، “عێراق و سوریا مەترسیدارترینن بۆ رۆژنامەنووسان، لە ماوەی ئەو 20 ساڵەدا 576 رۆژنامەنووس تێیداندا کوژراون، بەمەش سێیەکی ئەو رۆژنامەنووسانە لە خۆدەگرن کە لەو ماوەیەدا کوژراون، لەدوای ئەوانیش هەریەکە لە مەکسیک و فلیپین و پاکستان و ئەفغانستان و سۆماڵ دێن.
بە پێی راپۆرتەکە ئۆکرانیا دووەمین مەترسیدارترین دەوڵەتی ئەوروپایە بۆ رۆژنامەنووسان و تەنها لەمساڵدا 58 رۆژنامەنووس تێیاندا کوژراون.
