کاریگەری دەرکردنی بەرازیل لە مۆندیال بەسەر نێیمارەوە ماوەتەوە و لە یارییەکەى ستراسبۆرگ بەکارتی سوور کرایە دەرەوە.
نێیمار لە یارییەکەى پاریس سانجێرمان بەرامبەر ستراسبۆرگ بە کارتی سوور کرایە دەرەوەى یاریگا.
لەو یارییەدا جارێک فاوڵێکی گرت بەرامبەر یاریزانێک کە پێویست نەبوو، جارێکیش نمایشی کرد بۆ دروستکردنی لێدانێکی سزا.
بەوەش بۆ جاری شەشەم نێیمارکارتی سووری وەرگرت کە تەنها هۆکار بۆی، بەدەستهێنانی لێدانی سزا بووە.
نێیمار لەو یارییەدا بە ڕوونی دیار بوو کە لە ڕووی دەرونییەوە ئامادە نەبوو، زۆر توڕە دەبوو زۆریش پەلاماری ناوبژیوانی دەدا.
